Dylankonsertar, hversu margir?

Ég talaði um það í Stefnuskrá.1 að ég væri ekki viss um hve mörgum Dylan tónleikum ég hef verið á. Eftir endurtekna yfirferð um og yfir líf mitt komst ég að þvi að tónleikarnir eru tólf (12) Mikið myndu einhverjir segja, ekki neitt neitt segja aðrir og miða þá við 100 tónleika menn. Hvað ertu eiginlega að meina með þessari vitleysu, ertu fastur í einum tónlistarmanni - gömlum kalli sem búinn er að syngja sitt síðasta fyrir löngu?

Já, ég hef einmitt velt þessu fyrir mér og niðurstaða mín er þessi: Ég byrjaði ungur að fara á tónleika, þó að framboðið væri ekki mikið hér á landi í rokkgeiranum, sá þá flesta á árunum 1965 til 1985 og svo bættust við þjóðlagatónlist og jazz. Um þrítugt fór ég að stunda tónleika Sinfóníuhljómsveitar Íslands, en óreglulega þó, auk annarra klassískra tónleika og einnig nútímatónlistarflutning ef hann bauðst. Minnst hef ég sinnt kórtónlist. Hér er ég að tala um hlustun á tónleikum, að sækja tónleika. Tvítugur vann ég eitt ár í Danmörku og nýtti tímann sæmilega varðandi tónleikasókn - þetta var árið 1972-73, þar sá ég m.a. B.B. King, Emerson,Lake and Palmer, Jethro Tull, Santana. 

Eftir uppgjör í lífi mínu fyrir rúmlega 8 árum varð dálítil breyting á hlutun minni á tónlist, ég fór að hlusta meira á Bob Dylan, í raun bara að viðurkenna hvað textar og tónlist hans nær vel til mín. Sem unglingur skiptu textar mig mjög miklu og svo for ég að hlusta á Blues tónlist, aftar í rætur rokksins, þetta eru grunnþættir sem ég byggi enn á og þarna passar Bob algjörlega. 

Það eru þó lifandi flutningur laganna sem er aðalatriðið þegar ég hlusta á Bob Dylan, hans lög/söngvar - í raun  hans ævistarf, er verki í þróunn ekki fryst augnablik sem miðast við útgáfu laganna á vínil eða geisladisk. Þess vegna eru svo margir/fáir sem tólf tónleikar með Bob Dylan mjög gefandi upplifun, þroskandi, en ekki ferð til baka í minningar og söknuð til æskuára. 

Annar stór þáttur í því að ég hef reynt að komast á nokkra tónleika með þessum listamanni er einfaldlega sá: Ég spyr mig, hvað myndi ég gera ef ég væri samtímamaður Mozarts, eða annars stórsnillings tónlistar liðinna alda.  Hvað myndi ég gera, ef samgöngur væru jafn góðar og þær eru í dag, myndi ég sitja af mér tónleika í Vín, London, Budapest ef ég hefði einhverja minnstu hugmynd um þessa snillinga og einhver auraráð?  Jæja, ég hefði auðvitað ekki komist á hirðkonserta, margt er breytt.  Semsagt, ég lít á Bob Dylan sem stórbrotinn listamann sem jafnast á við helstu listamenn seinustu árhundraða og er fremri mörgum þeirra.

Mínir menn í tónlistinni eru (núna) - Bob Dylan, Arvo Paart og Shostakovich.

Tónleikarnir sem ég hef farið á með Bob Dylan and his Band eru:  1. Reykjavík 1990.  2.Rotterdam,Hollandi 2.5.2002.   3.London, Sheperds Bush 23.11.2003   4.Nashville, Ten,USA 28.6.2005   5. Louisville, Kentucky, USA 29.6.2005   6.London, Brixton Academy 23.11.2005   7.London, Brixton Academy 24.11.2005   8. Cardiff, Wales 27.6.2006   9. Bourmouth, Englandi 28.6.2006   10.Oslo, Noregi 30.3.2007   11.Atlantic City, New J.USA 23.6.2007   12. Hershey,Pa, USA 24.6.2007

Það var og. 

Athugasemdir

[sion (IP-tala skráð) 27.7.2007 kl. 15:59]

Flottur listi hjá þér Sveinbjörn!

 Hér er minn: 1-2. London Wembley Arena oct. '87 x 2, 3. London Hammersmith Odeon feb 1990, 4. Reykjavík júní 1990, 5. Lollipop festival Svíþjóð 1996, 6. London Wembley Arena 1997, 7-12. Sheffield, Birmingham, Manchester, London Wembley Arena x 2 og Glastonbury sumarið '98, 13-14. Zuric Sviss og Lljubljana Slóvenía apríl 1999, 15-18. Frankfurt, París, London Wembley Arena x 2 haustið 2000, 19-28. París x 2, Rotterdam, Brighton, Bournesmouth, Cardiff, Birmingham, Manchester, London x 2 vorið 2002, 29-31. Hammersmith Apollo, Brixton London nóv. 2003, 32-36. Brixton London x 5 nóv 2005, 37-38. Amsterdam x 2 apríl 2007.

 síon 

ps - veit ekki um neinn íslending sem hefur séð hann oftar! 

[Sveinbjörn Kristinn Þorkelsson, 27.7.2007 kl. 16:51]

Einmitt, ég auglýsi hér með eftir því hvort einhver íslendingur hefur farið á fleirri Dylan tónleika en Sion. Annars er það ekki magnið, heldur gæðis sem skipta öllu og ég sé ekki betur en að Sion hafi séð, verið viðstaddur, ótrúlegan fjölda af GÓÐUM tónleikum.

Sérstaklega er hann heppinn að hafa verið virkur á árunum 1997,98,99,2000. Ef það er einhver öfund til í mér þá votta fyrir henni varðandi þessa tónleika, t.d. Lljuljana 1999 og alla tónleikana árið 2000. Ég viðurkenni það bara strax.

[sion (IP-tala skráð) 27.7.2007 kl. 18:12]

Gleymdi að setja Shepard Bush 2003 inn í þetta. Held reyndar að þessir þrír tónleikar sem ég sá þar, Hammersmith Apollo og Brixton nóv 2003 hafi hugsanlega verið hápunkturinn hjá mér (já og kannski Hammersmith Odeon feb 1990!). En þessir tónleikar sérstaklega Shepard Bush voru þannig að maður var með munninn opin af undrun og hrifningu frá byrjun til enda. Þegar maður hélt að nú væri hápunktinum náð þá kom bara næsta sprengja. Líttu bara á setlistann (þú skalt hafa það hugfast að jafnvel 'Silvio ' var stórkostlegt! og fæst þessi lög höfuðu verið flutt fyrr á túrnu en fram af því hafði verið lítil ævintýramennska á ferðinni):

1. Cold Irons Bound 
2. Quinn The Eskimo 
3. Down Along The Cove
4. It Takes A Lot To Laugh, It Takes A Train To Cry
   
5. Just Like Tom Thumb's Blues
6. Most Likely You Go Your Way (And I'll Go Mine)
7. Million Miles
8. Tough Mama
9. Under The Red Sky
10. Positively 4th Street
11. Dear Landlord
12. Tombstone Blues
13. Jokerman
14. Silvio 
15. Tweedle Dee & Tweedle Dum 
16. Like A Rolling Stone 
17. All Along The Watchtower 

næstu tvö kvöld fengum við svo Romance in Durango og yea! Heavy and a bottle of Bread

 Þetta verður aldrei jafnað!

sion 

[Þorkell (IP-tala skráð) 29.7.2007 kl. 07:42]

Glæsilegur setlisti Síon!

Annars finnst mér samlíking þín við Mozart skemmtileg Sveinbjörn, nema ég hefði frekað tekið Stravinsky sem dæmi. Pældu í því að vera viðstaddur frumflutning hans á Vorblótinu í París!

Annars er ég bara barn í þessum fræðum. Hef aðeins farið á 4 tónleika og þori því varla að taka til máls hér :-)