Leita í fréttum mbl.is

Ramat Gan Stadium Tel Aviv, Israel 2011-06-20

BD.
Ramat Gan Stadium
Tel Aviv, Israel
20. júní 2011

Blaut tuska í andlit sparifjáreigenda?

Pétur H Blöndal: "Dómur Hæstaréttar er eins og blaut tuska í andlit sparifjáreigenda. Hann verðlaunar þá sem tóku áhættu, þá sem eyddu og voru óvarkárir í fjármálum"

Ég sé ekki betur en með ofangreindum orðum fari Pétur með ýkjur og alhæfingar, um mjög misjafnar ástæður fólks til lántöku. Er aðalatriðið ekki einmitt það, að þessi kjör á lánunum VORU ÓLÖGLEG? Um það hefur fallið dómur sem Hæstaréttur staðfestir núna, lög voru brotin.

Þeir sem buðu lánin voru að bjóða ólöglegan varning. Voru neytendur e.t.v. orðnir þjófsnautar með því að skrifa undir slík lán? Engan hef ég heyrt halda slíku fram.

Á nú að hæðast að og hegna þeim Íslendingum sem tóku lán hjá löglegum stofnunum, sem sættu eftirliti opinbera eftirlitsaðila. Ef ég kaupi gallaða vöru á afborgunum, er þá ekki eðlileg krafa mín (neytandans) að fá vörunni skipt í heila - ef ég á að halda áfram að borga af henni í umsamdan tíma?

Persónulega hef ég ekki tekið gengistryggt lán, en orða þetta svona sem dæmi.


mbl.is Bruðlurum bjargað
Tilkynna um óviðeigandi tengingu við frétt

Um Íslands náttúru, Inspired by 700 milljónir kr.

Jamm, það er nú svona með lukkuna. Ég man ekki betur en að Ríkið og Ferðamálaráð væru byrjuð að undirbúa landkynningar-HERFERÐINA (hina seinustu, mestu og bestu) þegar enn var ekki fært til landsins, mikið ólag á flugferðum og gosið í fullum gangi.

Jæja, hvað gerist, daginn sem Inspiered by herferðin var sett í gang þá þykknaði loftið í höfuðborginni og nú hafa farartæki, hús og stéttir verið þakin ösku á hverjum morgni seinustu daga - ogjæja, við ættum nú að þola þessi smáræði miðað við það sem Eyfellingar hafa mátt búa við og gera enn (en hvað, eru þetta nokkuð nema örfá kot þarna fyrir austan, á mjög afmörkuðu svæði? Má ekki alveg rigna ösku innan girðingar og ferðamenn leikið sér fyrir utan. Landið er stórt og hefur upp á svo mikið að bjóða. Svo græðum við á öllusaman, allavega þegar upp er staðið. Semsagt, það er enn hugsunarháttur okkar að aðalmálið sé AÐ GRÆÐA PENING á hinu og þessu. Fuss og svei!) Mér er spurn, hvernig tekur landið á móti ferðamönnum þessa dagana? Er það verjandi að fara í herferð til að auka ferðamannastraum hingað í sumar? Nei, eiginlega ekki, mér finnst lífið verða fáránlegra með hverjum deginum sem ég lifi:)


Koma svo Stelpur

Stelpur, ekki fara með mig algjörlega á taugum - þið standið ykkur!
mbl.is Íslenska landsliðið fer á EM
Tilkynna um óviðeigandi tengingu við frétt

Er þetta landflóttinn?

úr frétt: "Fólksfækkun varð á landinu á árinu 2009 í fyrsta sinn frá lokum 19. aldar. Þann 1. janúar 2010 voru 317.630 íbúar með fasta búsetu á Íslandi, samanborið við 319.368 ári áður. Fækkunin nemur hálfu prósenti. Á síðustu fimm árum hefur fjölgun landsmanna þó verið hlutfallslega ör eða 1,6% á ári að jafnaði."

1738!! Mér finnst þetta nú ekki vera mikið, þó við verðum að taka mark á nýfæðingum og dánartíðni (sem fréttin fer ekkert út í)  1738 færri manneskjur búa hér en í fyrra, en þá þarf auðvitað að taka mark á að fjölgunin stöðvaðist, 1.6% fjölgun er yfir 4000 manns - en á seinustu 5 árum voru auðvitað óðlilegir tímar, þenslutímar. Ég veit ekki hver eðlileg fjölgun þjóðarinnar er, veit þó að okkur hefur yfirleitt fjölgað meira en norður Evrópuþjóðum vegna fjölda barnsfæðinga.

Sumum finnst slæmt að fækkunin hafi ekki verið meiri, færri fara utan til að afla sér menntunnar, færri utan til vinnu - af því að vinna er ekkert auðfengin í nágrannalöndunum og meiri
birgðar eru á atvinnuleysistryggingum en ella.  Við höfum semsagt notið þess (hingað til)  að í okkur er flökkueðli og forvitni, - við erfiðleika hér heima hafa menn og konum leitað utan til vinnu og náms, Ísland hefur því oft verið fljótt að jafna sig á efnahagserfiðleikum.  Þetta gerðist seinast 1968, en ekki svo mikið 1990 (eða upp úr 1990, þá skilst mér að lægð hafi verið) og kannski ekki svo mikið núna - þegar réttindi okkar eru mikil í allri Evrópu (núna) erum við þá hætt að stunda þessa þjóðaríþrótt? Ekki handboltann, heldur landflóttann.

Að lokum vil ég minna á að Rubber Soul er besta plata The Fab Four, The Beatles:))


mbl.is 317.630 bjuggu hér um áramótin
Tilkynna um óviðeigandi tengingu við frétt

Bærilegt, nei - á sinn hátt ágætt, en ekki eitt orð um IceSave

Vel flutt og að mörgu leiti innihaldsríkt ávarp forseta Íslands til okkar, þjóðarinnar, en hvað er að, býr forsetinn í kristalhöll. Það má vera að sú höll sé fagurlega meitluð, já algjör smíðasnilld, en gluggalaus er hún. Ég sé ekki inn, en það sem verra er, forsetinn sér ekki út til þjóðarinnar og hefur sjálfur dregið slagbrandinn fyrir þessar einu dyr sem eru á gímaldinu.

Semsagt, í ávarpi forsetans til þjóðarinnar var ekki eitt orð um Ice Save, ríkisábyrgð, eða lög þar um.

 O, jæja, þegar betur er að gáð þá sagði hann m.a. þetta, orðrétt:

"Þá er rétt að hafa í huga að vilji þjóðarinnar er einmitt hornsteinninn

sem stjórnskipan lýðveldisins hvílir á. Breytingarnar sem gerðar voru á

stjórnarskránni 1944 og rúmlega 90% landsmanna samþykktu í

þjóðaratkvæðagreiðslu kveða á um að valdið sem áður var hjá Alþingi og

konungi er fært þjóðinni. Forseta hins unga lýðveldis svo falið að tryggja

þann rétt þótt ætíð verði að meta aðstæður og afleiðingar ákvarðana"

   -   ég segi, ráði nú hver sem betur getur í þessa setningu, sérstaklega "aðstæður og afleiðingar ákvarðana" Eitthvað líst mér ekki á tóninn frá kristalhöllinni.


mbl.is Vilji þjóðarinnar hornsteinninn
Tilkynna um óviðeigandi tengingu við frétt

Skaupið

Já, sjá hér að neðan: Besta Skaupið í háa herrans tíð.
mbl.is Krefjumst ábyrgra fyrirtækja
Tilkynna um óviðeigandi tengingu við frétt

Besta áramótaskaupið!!

Þetta var besta Skaupið í mjög-mjög mörg ár. Segi og skrifa besta Skaupið.

Næsta síða »

Höfundur

Sveinbjörn Kristinn Þorkelsson
Sveinbjörn Kristinn Þorkelsson

Já ég er Snæfellingur o.s.fr. þannig get ég lýst lífi mínu, en ef þið viljið vita eitthað meira - sláið þá bara á nefið mitt eða hattinn, ég setti einhverjar staðreyndir hér fyrir innan. Possi.

Færsluflokkar

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 3
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband