Dylan í Argentínu 13.3.08.

Á spilaranum hér til hliðar eru tónleikar Bob Dylans í Córdoba, Argentínu þann 13.mars 2008. Meistarinn Soomlos hljóðritaði tónleikana á Neumann 140, án leyfis að sjálfsögðu (susss og humm), yfirleitt er nafn þessa manns trygging fyrir bestu mögulegri upptöku. Ég hef trú á að þetta sé einn og sami maðurinn, Soomlos, því upptökurnar eru svipaðar að gæðum. Hinsvegar er ótrúlegt hvað maðurinn fer víða til að taka Dylan leynilega upp - og ekki aðra listamenn. Á seinasta ári var hann að "störfum" í USA, í Evrópu, Ásralíu og Nýja Sjálandi og nú í Suður Ameríku, hann virðist hafa góða sjóði eða traustan banka - nema hann sé starfsmaður Dylans:) 

Eins og vanalega eru lögin ekki í réttri röð, því miður, þau raðast tilviljunnarkennt upp og það er sama hvað ég pæli í þessu, ég finn ekki lausn á því, en hér er nú samt lagalistinn:

Córdoba, Argentina
Orfeo Superdomo
13.mars 2008

Lagalisti:
 
1. Leopard-Skin Pill-Box Hat (Bob á rafgítar) 
2. It Ain't Me, Babe (Bob á rafgítar) 
3. Watching The River Flow (Bob á rafgítar) 
4. Love Sick (Bob á orgel/hljómborð og áfram til loka tónleikanna, Donnie á raf-mandolín) 
5. Rollin' And Tumblin'(Donnieá raf-mandolín) 
6. Spirit On The Water (Bob á munnhörpu auk orgels) 
7. High Water (For Charlie Patton) (Donnie á banjó) 
8. Workingman's Blues #2 
9. Desolation Row (Donnie á raf-mandólín) 
10. Honest With Me  
11. When The Deal Goes Down  
12. Highway 61 Revisited  
13.  Ain't Talkin' (Donnie á á fiðlu) 
14. Summer Days  
15. Like A Rolling Stone
    
  (uppklapp)
16.  Thunder On The Mountain  
17.  Blowin' In The Wind (Bob á munnhörpu,Donnie á fiðlu) 

Fyrir rúmri viku spilaði Bob Dylan 3 konserta í House of Blues, Dallas, Texas

Á spilaranum hér til hægri er fín upptaka af tónleikunum þann 23. febrúar 2008, Bob Dylan í Dallas, Texas, House Of Blues.  Ef Dylan kemur til landsins í vor þá er mér spurn, hefur Laugardalshöllin batnað eitthvað sem tónleikastaður? Margir tónleikar hafa verið þar undanfarið og ég sé því miður ekki annað hús sem er hentugt fyrir tónleika með Dylan. Annars fáum við hann bara aftur hingað þegar Tólistarhúsið í Reykjavík er tilbúið, ekki rétt?

Lagalisti:

1. Rainy Day Women #12 & 35 - Bob á rafgítar
2. Lay, Lady, Lay - Bob á rafgítar 
3. Just Like Tom Thumb's Blues - Bob á rafgítar 
4. Señor (Tales Of Yankee Power) - Bob á orgel og munnhörpu
5. The Levee's Gonna Break - Bob á orgel 
6. Spirit On The Water - Bob á orgel og munnhörpu
7. Stuck Inside Of Mobile With The Memphis Blues Again
   - Bob á orgel
8. Til I Fell In Love With You - Bob á orgel
9. The Lonesome Death Of Hattie Carroll -b Bob á orgel
10. Honest With Me - Bob á orgel 
11. When The Deal Goes Down - Bob á orgel 
12. Highway 61 Revisited - Bob á orgel 
13.  Workingman's Blues #2 - Bob á orgel 
14. Summer Days - Bob á orgel 
15. Ballad Of A Thin Man - Bob á orgel og munnhörpu     
  uppklapp:
16.  Thunder On The Mountain - Bob á orgel 
17.  All Along The Watchtower - Bob orgel 
   

Hamborg 3.júlí 1990

Til gamans seti ég inn á spilarann (hér til hægri) tónleika Bob Dylans frá Hamborg, 3.7.1990. Þetta er aðeins nokkrum dögum eftir að hann var í Reykjavík með tónleika og hér heyrist vel hversu góður Dylan og hljómsveitin voru á þessum tíma. Reyndar á það við um flesta tíma!

Menn hafa sett fram þá fullyrðingu í fjölmiðlum að tónleikarnir í Laugardalshöll 1990 hafi verið lélegir, um það eru skiptar skoðannir, sumir segja hreint frábærir tónleikar - aðrir miðlungs, en lélegir það er af og frá. Persónulega fannst mér nóg bara það að fá tækifæri til að vera á staðnum, á tónleikum hjá honum. Það var bónus að heyra hann flytja góða útgáfu af Hard Rain, Gotta Serve Somebody og Shooting Star - já, ég má ekki gleyma Ballad of a Thin Man. Ég var sáttur.  Upptökur af tónleikunum í Höllinni eru til, ég á eintak, en hljómgæði upptökunnar er ekki af bestu gerð (finnst mér) svo ég sleppi þeim ekki lausum hér. 

Setlistinn í Hamborg:  

1.	Most Likely You Go Your Way (And I'll Go Mine)
2.	Ballad Of A Thin Man
3.	Stuck Inside of Mobile With the Memphis Blues Again
4.	I Believe In You
5.	Masters of War
6.	Gotta Serve Somebody
7.	It's Alright, Ma (I'm Only Bleeding)
8.	It's All Over Now, Baby Blue
9.	Desolation Row
10.	The Lonesome Death of Hattie Carroll
11.	It Ain't Me, Babe
12.	Everything Is Broken
13.	No More One More Time
14.	Political World
15.	Old Rock & Roller
16.	All Along the Watchtower
17.	I Shall Be Released
18.	Like A Rolling Stone
19.	Blowin' in the Wind
20.	Highway 61 Revisited

Lag númer 15 er eftir Charlie Daniels og er eina skiptið sem Dylan hefur flutt það opinberlega (sá gerir það vel) Lag númer 13 No more one more Time hefur Dylan flutt þrisvar, en veit einhver eftir hvern lagið er?

komdu fagnandi bob dylan

Ég fékk sms skeyti frá tveim félögum um hádegisbilið í dag, bob kemur í vor, sögðu þeir.  Mikið rétt, Bob Dylan kemur - kannski. Ég vil hvetja íslendingana sem eru að semja við menn bobs að leggja sig nú armennilega fram, það er löngu tímabært að fá þennan mikla tónlistarmann aftur hingað. Hann hefur verið á fleygiferð um Ameríku og Evrópu á hverju ári frá því hann kom hingað í fyrsta sinn 1990, svo hefur hann auðvitað heimsótt Eyjaálfu öðru hvoru og í næsta mánuði verður tónleikaferð um Suður Ameríku. Stokkhólmur, Osló, Kaupmannahöfn eru fastir viðkomustaðir Bob Dylan and His Band, en Reykjavík -ónei. Koma svo, strákar og stelpur, leggið ykkur fram að fá kallinn hingað í vor!!

Ég fór á tónleika með bob í Osló í fyrravetur og get fullyrt að hann er í toppformi, en ég hef stundað tónleika (með bob and his band) alltítt frá 2002.

Dylan kemur kannski

Hvar - ó, hvar (og Staðarfell)

og hvað hefur á daga mín drifið?

Skyldi ekki vera líf utan við blogg færsluna, eða er einhver haldinn - ég blogga þess vegna er ég/heilkenninu, eða veikindunum? Ó, jú og jæja, þið vinir mínir vitnið um lífið á hverjum degi og oft lýsið þið lífinu skemmtilega, ó, já af ást og umhyggju, stundum af hatri, öfund, hneykslun, en oftar þó af forvitni og furðu. Þið vitnið um lífið og gefið mér um leið skissu af ykkur sjálfum -  og þannig er einnig um mig.

Nei, dagar lífs míns hafa ekki lit sínum glatað, ég hef verið vestur á Staðarfelli seinustu vikurnar, eða frá 17.desember 2007. Ó, nei, ég var ekki í langtíma meðferð þarna á Fellsströnd í Dölum, þetta er bara vinnan mín hjá SÁÁ. Semsagt, lifi enn.  Slóð á Dalina: http://www.dalir.is/

Hér er mynd af Staðarfelli, en það er gamalt höfuðból og þar bjó Þórður Gilsson, faðir Hvamms-Sturlu, á 12. öld. Á Staðarfelli var starfræktur húsmæðraskóli frá 1927 til 1976.

Bob í Brussell 1987

Á spilaranum til hægri snú,  býð ég upp á Bob Dylan í Forest National Bussell, Belgíu, 8. okt. 1987. Og minni svo alla sem hingað líta inn að þeir eru velkomnir í Von, Efstaleiti 7, laugardaginn 8.des. kl. 16:00 (sjá hér að neðar á síðunni)

Lagalisti:

01 Desolation Row [05:53.27]
02 Like A Rolling Stone  [05:13.42]
03 The Times They Are A-Changin'  [04:00.10]
04 Gotta Serve Somebody  [04:38.56]
05 Maggie's Farm  [03:54.55]
06 Señor (Tales Of Yankee Power)  [05:24:62]
07 I Want You  [05:32.13]  %
08 Pledging My Time  [03:54.09]
09 Chimes Of Freedom  [06:04.66]
10 The Lonesome Death Of Hattie Carroll  [05:44.64]
11 Don't Think Twice, It's All Right  [03:08.04]
12 I And I  [05:53.18]
13 Shot Of Love  [04:56.30]  %
14 Blowin' In The Wind  [04:25.33]
15 Man Gave Names To All The Animals  [03:45.59]
16 In The Garden  [07:09.07]

Live at Newport. Dylan í Von!

 

Bob Dylan, The Other Side of the Mirror: Live at Newport Folk Festival 1963-1965

Laugardaginn 8. desember 2007 kl. 16:00 til 19:00  verða Dylanvinir (Íslenska Dylan Mafían) með aðventustund í Von, Efstaleiti 7, R.vík. Sýndur verður nýr dvd diskur: Bob Dylan, The Other Side of the Mirror: Live at Newport Folk Festival 1963-1965

 Allir vinir, velunnarar og óvildarmenn Dylans eru velkomnir. Frítt inn. 

Á spilaranum hér til hægri eru nýir tónleikar Bob Dylan

Bob Dylan and his Band í St. Louis, Missouri
Fox Theatre, 22.Október, 2007.

Lagalisti:

1.	Leopard-Skin Pill-Box Hat (Bob on electric guitar)
2.	It Ain't Me, Babe (Bob on electric guitar)
3.	Watching The River Flow (Bob on electric guitar)
4.	Love Sick (Bob on electric keyboard, Donnie on electric mandolin)
5.	The Levee's Gonna Break (Bob on electric keyboard, Donnie on electric mandolin)
6.	Spirit On The Water (Bob on electric keyboard and harp)
7.	Honest With Me (Bob on electric keyboard)
8.	Visions Of Johanna (Bob on electric keyboard and harp)
9.	Things Have Changed (Bob on electric keyboard and harp, Donnie on violin)
10.	Workingman's Blues #2 (Bob on electric keyboard)
11.	Highway 61 Revisited (Bob on electric keyboard)
12.	Ain't Talkin' (Bob on electric keyboard, Donnie on viola)
13.	Summer Days (Bob on electric keyboard)
14.	Ballad Of A Thin Man (Bob on electric keyboard and harp)
	(1st encore)
15.	Tears Of Rage (Elvis Costello and Bob on acoustic guitars and shared vocals, no other band members present)
	(2nd encore)
16.	Thunder On The Mountain
17.	All Along The Watchtower

Hljómsveitin:
Bob Dylan - gítar, rafpíanó, munnharpa
Tony Garnier - bassi
George Recile - trommur
Stu Kimball - gítar
Denny Freeman - gítar
Donnie Herron - fiðla,viola, mandolín,stálgítar, kjöltustálgítar.

 

Bob Dylan og The Greenbriar Boys

 

Hér eru tvær myndir, til vinstri, Bob 1961 með Greenbriar Boys líklega í Gerde´s Folk City í Þorpinu, NYC. Þriðja félaga Greenb.Boys vantar á myndina, en Bob var aukanúmer á tónleikum þeirra (vona að ég sé ekki að rugla þeim saman við The New City Ramblers, jæja tek þá áhættu)  Til hægri, 45 árum síðar í Assago á Ítalíu 27.apríl 2007 og það er vel þess virði að taka eftir félaga Óskari á magnaranum hægra megin við Dylan (Óskarsverðlaun fyrir lagið Things have Changed árið 2000 úr kvikmyndinni Wonder Boys - og síðan hefur Óskar ætíð verið í farteskinu á tónleikaferðum)

 

 

Æ, hef ég Þrótti gleymt?

Ekki er það mér til sóma að láta seinustu færslu standa hér gapandi efst á síðunni.

Þróttur, kæri Þróttur til hamingju með árangur sumarsins í öllum deildum félagsins. Fyrir ókunnuga get ég útskýrt að hér á ég við Knattspyrnufélagið Þrótt í Reykjavík, en af hverju ég - karlmaður á sextugsaldri ber tilfinningar til íþróttafélags (kæri,elskulegi,ljúflingur - Þróttur) það get ég nú ekki útskýrt í fáum orðum og best er að sleppa því alveg.  Segi - Þróttur og Þróttarar, hjartans þakkir fyrir skemmtilegt sumar og gangi vetrarstarfið vel.

Sérstaklega fagna ég árangri meistaraflokks karla í fótbolta, en þeir urðu í 2. sæti í 1.deild og fluttust þar með upp í efstu deild.

Þróttur er með starfsemi í þessum greinum: Knattspyrna (kv og kar), Blak (kv og kar), Handbolti (kv og kar- mfl.karla er nú með á Íslandsmóti í fyrista skipti í 21 ár), Tennis (kv og kar), Krulla (held að það séu blönduð lið) og  Körfubolti (kv og kar, með Ármanni)