Og hvað er NAADAC spurði litla græna laufið.

Í seinustu færslu vitnaði ég til NAADAC skírteinis sem ég fékk afhent á mánudaginn var ásamt Þórdísi Davíðsdóttur og Herði Svavarsyni. Til að útskýra málið þá vísa ég til eldri færslu sem ég setti inn í janúar síðastliðinn:

Ég gat lagt aftur augun og slakað örlítið á eftir að hafa staðist próf hjá NAADAC (The Association for Addiction Professionals - í Bandaríkjum N-Ameríku) http://naadac.org/ nú get ég á tillidögum kallað mig Sveinbjörn K.Þorkelsson NCAC I (National Certified Alcohol Counselor I) - humm og það er alveg ágætt.   Þetta próf hefur verið þreytt af íslenskum áfengisráðgjöfum undanfarin ár eftir að samningar náðust á milli NAADAC og FÁR (Félag Áfengisráðgjafa)  http://www.far.is/  Þetta landsamband bandarískra áfengis og vímuefnaráðgjafa hefur undanfarin ár aukið samstarf við félög áfengisráðgjafa erlendis.

Það var auðvitað voðalega gaman að fá þessa viðurkenningu, það staðfestir þá þekkingu sem ég hef öðlast við lestur og í starfi seinustu ára (ég hóf störf hjá SÁÁ á árinu 2000) sem sagt styrkir mig faglega og gleður mig stórlega. Þennan dag voru með mér þau Erna sambýliskona mín, Trausti sonur hennar, Ragnheiður systir mín, tvö börn hennar og frænka frá Noregi, að ógleymdum vini mínum Höskuldi. Það var ómetanlegt að hitta þessa vini sína á svona stund.

 

Athugasemdir

[Þorkell (IP-tala skráð) 3.8.2007 kl. 23:46]

Innilega til hamingju með áfangan, þótt þú hafir reyndar verið búinn að ná honum fyrir löngu. En útskrift er alltaf skemmtileg, þótt sein sé.